Stiller Has - Armer böser Wolf Lyrics

Mir hei Humor Aber niemer lacht Hei höchi Ideal Und niemer macht's Mir chrampfe am Tag U mir suffe i dr Nacht Mir hei di höchschte Gipfle Si gheien üs uf s Dach Oh, arme böse Wouf Du läbsch gfährlech Für d Landwirtschaft und d Viehzucht Bisch entbehrlech - drum louf Mir hei di beschte Uhre Aber niemer het Zyt Mir schnure aui Sprache U mir verstöh üs nid Mir hei e suberi Weschte Aber ds Hemmli stinkt Si alli voll ufem Boot U dr Räscht ertrinkt Oh, arme böse Wouf Hie isch es friedlech Jede het es Gwehr Hie si di schwerzischte Chole Hie isch dr wysseschti Schnee Mir hei so viu Muet U mir bruuche ne nie Mir hei ds grüenschte Gras Und s allergiftigschte Gras Mir hei die hertischti Fuuscht U hei die offnigschti Hang Mir hei di beschte Kanone Mir hei so grossi Angscht Oh, arme böse Wouf Hie si di feissischte Chüe Aber di si chrank Mir schwümme im Anke Mir hei nüüt z verschänke Mir si so chlyn U füele üs so gross Mir si so reserviert U si so bodelos Arme böse Wouf Der perfekte Schuss auf den Boden Der perfekte Schuss auf den Apfel Der perfekte Schuss auf die Scheibe Der perfekte Schuss in den Ofen Der perfekte Schuss auf die Hexe Der perfekte Hexenschuss Arme böse Wouf Louf Wouf, louf louf louf Wouf Stiller Has Lyrics Armer böser Wolf Lyrics